Khot kandidet MDC 2014 ka UDP

Shillong,4 Nohprah:
Ka UDP south West Khasi Hills ha ka 25 tarik mynta u bnai ka la thaw ia ka komiti ka District Election Committee bada ia katei ka komiti la khlieh da u Bah H.Lyngkhoi kum u chairman bad u Bah G.G bung snaitang kum u General Secretary. Katei ka komiti ka la iatai sani bha ha kaba ia dei bad ka kam kyrtong MDC elekshon 2014 . Khnang ban ym mih kano kanao ka jingiasngewsih hapoh ka seng katei ka komiti ka la thaw ruh ia ki kyndon aian na ka bynta ka tiket MDC ban ai sha uno uno u kyrtong.Katto katne na ka aian ba ka tei ka komiti ka la thaw ki long Ban aialad ia kino kino ki briew jong ka party kiba kwah ban tyrwa ialade kum ki kyrtong na ka bynta ka MDC 2014, ki dei ban tyrwa lyngba ka aplikeshon phom kaba ki lah ban ioh na ka district election committee ryngkat ka bait hep kyrteng kaba long T.5000 tyngka kumba la bthah da ka Central Election Committee. Ia ki aplikeshon phom ba la dep pynbiang bad ka Security Deposit ki dei ban pynpoi sha u Secretary ka District election Committee u Bah G.G bung Snaitang hapoh ka 10 tarik u nohprah. Katei ka komiti ka la buh kyndon ruh ba lada don palat ia uwei u uba pan tiket yn pahah beit ia ka kyrteng sha ka CEC ba kan leh ia kaba donkam, ka la iathuh ruh ba uno uno u kyrtong ba la jied da ki bor baha khlieh jong ka party uta un dei u kyrtong jong ka party.
Shisngi shuwa ban thaw ia ka DEC, la pynskhem ia ki nongkitkam ka General council ka UDP South West Khasi Hills District da u President rangbah duh ka seng u Dr.Donkupar Roy ha ka jingiadon ryngkat u Bah Paul Lyngdoh, working president Bah R A Lyngdoh bad u Bah A Dkhar. Ki nongkitkam ka party ki long President- P. K.Raswai, Vice president –Renikton Lyngdoh, Micheal Myrthong, Ojendro Marngar bad u Bah Brospar Syiemlieh. Secretary-Bah Hapbok Lyngkhoi,joint secretary Bah G.G Bung Snaitang, Synshar Lyngkhoi bad u Hugebert Wanniang. Working President Hadrian Lyngdoh,Auditor-Jeslanwy Nongsiej,Bah Narayan Thongni,Treasurer Bateibok Marbaniang bada Adviser K.Lyngkhoi.