Khot kandidet ka UDP Amlarem

Shillong, 7 Rymphang:
Ka jingialang jong ka UDP Amlarem Circle, kaba la long hynnin ka sngi, ka la rai ban khot aplikeshon ia kino kino kiba kwah ban ialeh MLA na katei ka Constituency, na ka bynta u snem 2018. Ka jingialang, ka khot ia kito kiba kwah ba kin leit ai kyrteng noh naduh lashai hi ka sngi bad haduh ka 27tarik Rymphang 2017.
Haba iakren bad U Bah K Pohshna, President ka UDP Amlarem Circle, u ong ba ka seng UDP, ka kwah ban ioh ia u kandidet, u ban pynjop ia ka seng, ha ka elekshon MLA 2018. Ha ka jingialang, kaba la long ha Amlarem hi, la iathuh, ba ki don bun kiwei pat kiba na kiwei ki seng, kiba la wan ban pyniasoh ialade sha ka seng UDP. U bah Pohshna, u iathuh ba ka West Jaintia Hills District, kan pynbiang lut ia ki kandidet jongka, ha shwa ka 20tarik Lber 2017.