Shillong:Ka Executive Committee jong ka Synjuk ki Nongsynshar Shnong Ka Bri U Hynniewtrep (SNSBH) kaba la long ha ka 12tarik Jymmang 2018 ha ka por 3 baje janmiet ka dap da ka jing sngew kmen kaba khraw ba ka Sorkar, hapoh ka jingialam jong U Myntri Rangbah jong ka Jylla, Shri Conrad Sangma ba ka la kloi ban jubab ia ka shithi na ka synjuk ban iakren halor ki mat ki ba dang sah teng kiba iadei bad ka VAB, Ka Building Bye Laws bad kiwei kiwei de. Ka Synjuk ka pynpaw ia ka jingsngewnguh sha ka Sorkar ba ka la khot ia ka Synjuk lem bad ka KHADC ha ka 15tarik Jymmang 2018.
Ka jingsngewnguh ka leit ruh sha ka KHADC ba ka la khot ia ka Synjuk ha ka 14tark Jymmang 2018 na ka bynta ban ioh ban ia phylliew jingmut ha shuwa ba ngin leit ban ia kren bad ka Sorkar ha katei ka sngi ba la buh, ong ka kyrwoh na U bah R. L. Blah, Gen. Secy, SNSBH.