Khot ka SBI ban kyrshan pisa ban seng kam lajong

Shillong, 19 Jymmang:
Ka Regional Office jong ka State Bank of India, Dhankheti ka la khot ia ki samla kynthei bad shynrang kiba la pyndep ia ki Training bad kumjuh ruh ki ban dang leit sha ka Training ba kin wan ban sngap ia ka jingpynshai na katei ka Bank ban ai pisa ia ki ba kin seng kam lajong naduh ka T.50 hajar tyngka,T.5 lak tyngka haduh T.10 lak tyngka kaba kim donkam ban buh bynda lane ban pynshah kylliang da ki jingdon jingem jong ki.
Katei ka dei ka skhimkaba la ai da ka sorkar pdeng na Delhi bad katei ka jingialang kan long ha ka 24 tarik mynta u bnai ha Umsaw,Sohiong –East Khasi Hills ha ka por 11 baje mynstep. Ka bank ka la kyntu ia ki samla ba kin wan sha katei ka jingialang bad ba kin ym pynlehnohei ia kane ka kabu ksiar na bynta jong ki.