Khot ka KSU, ia ki paidbah, ban nym sei kali, naduh 7baje haduh 5baje mynstep

Shillong: Ka Khasi Students Union, East Jaintia hills District Unit, ka pyntip paidbah mynta ka sngi, ba ki nongshong shnong jong katei ka thain, ba kin nym pynmih kali, naduh ka por 7baje mynmiet, haduh ka por 5baje mynstep bad katei kan neh, na ka bynta shitaiew kynthih.

Katei ka kyrwoh jong katei ka seng, ka dei, hadien, ba ka la don ka jingiakhih mynta ka sngi, ha Khliehriat, na bynta ka jingsniew tasam, ka surok NH 6, ha kaba ki nongialam ka KSU lem bad ki riew paidbah, ki la iamih ban thiah surok, ban iashong kyllain myngngor bad ban ia khwai dohkha ruh, ha ka jingiakhih, kaba shisngi mynta ka sngi.