Khot ka kong Ampareen, ia ki seng riewlum ban kyrshan ia u kandidet Congress

Shillong: Ka Kong Ampareen Lyngdoh ka MLA jong ka Congress party mynta ka sngi, ka la kyntu ia ki party riewlum ba kin kyrshan ia u kyrtong ka Congress U bah Kennedy Khyriem ha kane ka elekshon ban jied ia u MP ka Rajya Sabha.

Haba ia kren bad ki lad pathai khubor ka la ong ba kum ba ki la ioh i ba ka party NPP ka kyrshan ia ka CAA kumta ka kyntu ia baroh ki party riewlum ba kin jied ia u kyrtong ka Congress, namar ka jing kyrshan ka NPP ia ka CAA ka pynpaw shai kdar ba ka dei ka party ka ban ym lah ban wanrah ki jing myntoi ha kane ka jylla.

Ka la ong ruh ba kin ym lah pdiang ba kin ioh ia u briew u ban ym lah ban kren ha ka ia dei bad kino kino ki bill ki ba wanrah ha Rajya Sabbha. “Ngi kwah wan rah ia u MP u ba lah ban pynpaw ia ki jingdonkam jong ki paidbah kane ka thain bad u kyrtong ka Congress u long u ba biang ban leit sha Rajya sabha” ka la ong shuh shuh.