Khot jingialang u MR ia ki heh sorkar ha Garo

Shillong,16 Nailur:
U myntri Rangbah ka jylla u Dr.Mukul Sangma mynta ka sngi u la khot ia ka jingialang ia ki Deputy Commissioners, DRDA, Medical, PWD, PHE bad kiwei pat ki tnad sorkar jong ki san tylli ki district ka Ri-Lum Garo ha Tura Circuit House. La synran ia u myntri rangbah da u Parliamentary Secretary i/c C & RD bad IPR u Rophul S Marak bad da u Parliamentary Secretary i/c Water Resources u Asha hel D Shira.
Ha kate ka jingia lang u Dr.Mukul u la kren halor ka jingleh suki ki bank ban pyntuid ia ka pisa sha ka Women Economic Empowerment lyngba ka Financial Inclusion scheme.
U la kyntu ia ki bank ba kin pynbeit ia kitei ki jingbakla kham kloi. U myntri rangbah u la kren diaw ruh namar ka jingbym pat treikam ka Intensive Care Unit (ICU) ha Tura Civil Hospital kaba u la plie ha u snem 2012. U la ong b a ka dei ka rukom ia baroh ki ICU ban treikam khnang ban wanrah ka jingshakri kaba biang.
U la kyntu ia u Principal Secretary, ba dei peit ia ka Health, ba un hukum ban pyntreikam noh ia ka ICU hapoh 45 sngi.