Khot jingialang ki bor pyniaid skul

Nongstoin, 24 Nailar:
Ka khubor ba la phah sha ki lad phatai khubor mynta ka sngi lyngba U Hopestandard Marthong, u nongai ktien jong ki School Managing Committee ka West Khasi Hill ka ia thuh ba ka synjuk lang jong baroh ki School Managing Committee kiba hap hapoh West Khasi Hill kan pynlong syndon ia ka General Meeting ha ka 26tarik myntau bnai hapoh Upper New Nong-stoin haka Skul jong I Babu Dless.
Ka kyrwoh ba la phah mynta ka sngi ka iathuh ba baroh ki Mission School bad ki School jong ki seng bapher bapher kin ia wan lang baroh ha ka kyrdan Primary haduh Secondary bad ban wan rah ryngkat ki seal khnang ngin ioh soi ia ka dorkhas ban leit buh sha ka Sorkar ha ka 29tarik Nailar 2016 bad ha katei ka jingialangbah yn ia thir sain bha haduh katno ka ktah ka jingpep skul jong ki Nonghikai ia ki khynnah skul bad la ka la dei ne em kapor ba ki Managing Committee kin khot hajir ia ki Nonghikai kiba pep skul khlem ka jingbit jong ki Managing Committee bad haka juh ka por la bthah ia baroh ki Secretary M.C. ba kin wan rah ia ki xerox copy jong ki Memorandum jong ki nonghikai ba ki kwah aiu na ki Managing Committee ba ki sa rai pep skul.