Khot iakren U CS, ia ki KSU SWK

Shillong, 21 ’lyngkot:
U Chief Secretary ka jylla u la khot iakren lashai ka sngi ia ki nongialam ka Khasi Student Union (KSU) South West Khasi Hills halor ka jingbyrngem jong ki ia ka jingsniew palat ka surok Weiloi sha Rangblang.
Na ka liang jong ka KSU SWK ka la byrngem ba lada ka jingiakren markhmat bad u Chief Secretary lashai ka sngi kam seisoh kumba ki angnud ban ioh ia ka surok kaba bha ha katei ka thaiñ, kim banse ban iaid biang shakhmat da ki jingiakhih, la ong u Samla Forwardman Nongrem, General secretary ka KSU, South West Khasi Hills District.
U General Secretary ka KSU SWK u la ong ruh ba ka jingiakhih jong ka KSU ha katei ka thaiñ ha kine ki sngi ba la leitnoh ka dei ka jingpynbor ka sorkar jylla ban iakhih namar kam sngap ia kaei ba ka seng ka don ban ong na ka bynta ban kyntiew ia ka ioh ka kot jong ki shnong ki thaw ha kitei ki thaiñ, hynrei ka la shu sngap mynthi beit bad ka jingsngap kyllut bad ka jingtap matlah jong ka ia ki khmat ka la pynlong ia ka seng ban mih shakhmat ban iakhih da ki prokram bapher bapher.