Khot iakren ki pulit ia ki nongialam shnong ka Nongpoh, halor shibun ki mat

Nongpoh:Myn hynnin ka sngi ka la don ka jingialang ne ka jingiakren ban iathir jingmut hapdeng ki pulit ka Ri-Bhoi District lem bad ki nongialam shnong ka thain Nongpoh, kata na ka bynta ban iakren halor ba kumno ban the lakam ia ki kam sniew, ka jingeh jong ki paidbah bad kumjuh ruh haba iadei bad ka jingjyllei ka jingdon ki khun samla kiba la ngat ha u drok.

Lyngba katei ka jingkynduh, kaba la donlang da ki nongialam shnong ka thain Nongpoh lem bad ki heh pulit jong ka Ri-Bhoi, ki la ioh ban iakren ia shibun ki kam kiba iadei bad ka imlang sahlang bad kumno ban nangpynbha ha ki shnong ki thaw bad ruh ban wanrah ia ka shongsuk shongsain.

Nalor ka jingiakren halor ka shongsuk shongsain, u drok lem bad ka bha ka miat ha ki shnong ki thaw, ha katei ka sngi ka la don ruh ka jingiakren halor halor ba kumno ba shim ia ki lad ki lynti na ka bynta ban iada na ka jingsaphriang ka khlam Covid-19.