Khot hajir ka NCB, ia ka Deepika, Sara Ali Khan bad ka Shraddha Kapoor

Ka Narcotics Control Bureau (NCB), kaba dang tohkit, halor ka jingiap jong U Sushant Singh Rajput, ka la khot hajir ia saw ngut ki aktress ba paw jong ka Bollywood bad kitei ki kynthup ia ka Deepika Padukone, ka Sara Ali Khan, ka Rakul Preet Singh bad ka Shraddha Kapoor. La khot hajir lang ruh ia ka Karishma, ka manager jong ka Deepika, ka nongsuh jain, ka Simone Khambatta bad nangta ia ka manager jong U Sushant Singh Rajput, ka Shruti Modi.

Ka Shruti Modi, ka Simone Khambatta bad ka Rakul Preet, kin leit shah tohkit, lashai ka 24tarik Nailur; nangta ka Deepika Padukone, ha ka 25tarik Nailur bad ka Sara Ali Khan bad ka Shraddha Kapoor, ha ka 26tarik Nailur.