Khot EC ka dorbar Shnong Lumsohphoh, da ka Webex App

Shillong: Kum shi bynta ban iada ia lade na ka jingpang Covid 19, ka Dorbar Shnong Lumsohphoh, Nongthymmai, Shillong ka la pynlong ia Executive Meeting ha ka 29tarik Nailar 2020 da kaba pyndonkam ia ka “Cisco Webex Meeting App”.

Lehse kane ka dei ka sien kaba nyngkong eh ba ka Dorbar Shnong ha kine ki thain ka pyndonkam ia kane ka online meeting app. Ka jing pyllait khubor ka long eh ban ia sam lem ia kane ka jingtip ba kiwei kiwei ki Dorbar Shnong ruh ki lah ban pynlong meeting da kaba pyndonkam ia kum kine ki online app ban lait na ka jingialum bun ngut ha kajuh ka jaka khnang ban iada na ka jingsaphriang jong une u khniang jingpang Covid 19.