Shillong 06 Rymphang: Ka All Meghalaya Dancer Association (AMDA) hapoh ka jingialam u bah Kitbok Thabah ha ka 06 tarik Rymphang 2025, ka la wan ban pyntip paidbah ban khot online Audition ia ki ba donsap ha ka rwai ka shad nakabynta ka Mawlai Superstar.
Haba kren sha ki lad pathai khubor ha Shillong Press Club u president ka AMDA u bah Kit Thabah u la ong, ba ka phangpdeng ban pynlong ia kane ka singing and dancing kadei halor ban iada ia ki samla ha ka ba iadei bad ka jingkyrni dih drog, ka ba pynsniew pynjot ia ka jingim ki samla, bad ruh ka Association ka la thoh, “Ong em ia u Drok”, ” Ong Hooid ha ka rwai ka shad”.
Ka Association ka khot online Audition tang kumba 50 ngut nakabynta ki samla na ka thain Mawlai bad ka Final kan long haduh ka 08 tarik Lber 2025.
U bah Kit Thabah u la ong, ba ka jingpynlong ia kane ka singing and dancing kalong shibynta ban kyntiew ia ka sap jong ki samla khnang ba kin poi sha ki bynta ba ha jrong, kum ha ki National level.
U bah Kit Thabah u la kyrpad ruh, ba ki samla ba don shisha ja ka sap lada ki kwah ban poi shaduh ki rynsan baheh jong ka ri India, kidei ban nang ban kren ia ka ktien Hindi namar lada kim nangban kren Hindi kin nym lah ban poi sha ka thong.
Lyngba ka All Meghalaya Dancer Association ka la sei ia ki nongrwai ki nongshad ba tbit ban iashimbynta ha ki rynsan baheh jong ka ri ha ka ba dangshen u samla Steve Jyrwa u ba la ioh rah ia ka nam lahduh ha ka Indian Best Dancer season-4 ka ba la wanrah nam ia ka jylla hi baroh kawei.
Phi don ban ong eiei?