Khot aplikeshon kam shipai

Shillong, 19rymphang:
Ki tnad shipai bapher bapher jong ka Central Armed Forces of India (CAPF) ka la khot aplikeshon na bynta ki samla wad kam, pyntip u Inspector General Meghalaya, Ftr BSF, Sh. Sudeshkumar, IPS sha ki nongshong shnong kiba don ha phappud ha ka por ba u leit ban kngoh ia ka thain khappud. Kumba ka long mynta ki don haduh 62,390 tylli ki kam shipai ba hap ban pyndap , bad 22,517 na ki ki dei ha ka tnad BSF.
La khot aplikeshon ia ki samla wad kam jong ka thain shatei Lam mihngi kiba don hapoh ka rta kaba 18 haduh 23 snem ba kin thep ia kitei ki kam, bad ia ka rta la ailad katkum ka ain jong ka sorkar ban ia khun ha kitei ki kam constable (GD) shynrang bad kynthei na ka bynta ban shakri ia ka ri.
Ka tarik ba khaddu ban khang ia ka aplikeshon kan long ha ka 23 tarik u rymphang, 2015 lyngba ka online katba 2 tarik pat u lber offline na bynta ki samla ka thain shatei lam mihngi.