Khniot iap ka mei ieid ia I khun ksiew

Nongstoin, 11 Nailar:
Ha kawei ka jingjia kaba sngewsih I wei I heprit I la shu duh ei ia la ka jong ka jingim, hadien ka jingshah ksih hala ka mei ieid la jong.
Kat kum ka tyllong khubor na ki heh pulit la iathuh ba ia katei ka jingjia la jia ha ka miet jong ka 9 tarik mynta u bnai hapoh ka Shnong Phodumbah, ha kaba ha katei ka miet ha ka por 1.00baje mynstep, katei ka mei ieid kaba la tip kyrteng kum ka Meradis Lyng khoi, 44 snem ka arta kaba don ka jingduna ha ki bor pyrkhat kala ksih ia la I khun ksiew bad set da ka kynja jain na ka shyntur haduh ba in da duh mynsiem .
Katkum ka jingioh jingtip na ki heh pulit jong ka District, I tei I heprit I dang wan shah sumar na Hospital  ha ki khyndiat sngi shwa katei ka jingjia, hynrei ha katei ka miet katba I dang thiah lyngngai  bad la ka jong ka kmie  ha ka por  shibaje katei ka mei ieit ka la leit  sha katei ka kamra thiah  ha kaba ka la khyllie  bad rah ia I tei I heprit bad ha katei kapor ka kmie jong I tei I heprit ka kylli ba balei I rah  hynrei  ka tei  ka Mei ieit ka  la ong  ba ka  mut ban bah,  kumta ha ka jingbym poi pyrkhat ka kmie ka la ailad ban bah.
Hadien kato katne por ba katei ka mei ieid ka la dep ban shim ia I heprit na la ka kmie, katei ka mei ieid kala pyniap noh ia I tei I hep rit bad hadien ba ka ladep ban leh ia katei ka kam kala leit bret  ruh ia kamet jong I tei I heprit kham pajih na katei ka iing bad hadien nangta ka la leit ban iathuh ruh sha ka kmie jong itei I heprit ba ka la dep ban pyniap ia I tei I heprit ha kaba kala pynkyndit  ia ka kmie haduh  bym don pyrthei shuh.
Na ka liang ki nongialam shnong ka shnong Phodumbah mar ia bna ia katei ka jingjia ki la pyntip noh mar mar sha ki bor pulit ka Nongstoin PS,  bad  ki pulit ruh hynnin ka sngi ki la hiar sha katei ka shnong bad ki la kem noh ia ka tei ka Mei ieit, ki  pulit kila register case pyrshah ia katei ka Mei ieit bad la phah ruh sha Hospital .
Shuh shuh ki pulit kila pyndep ruh ia ka postmortem  na ka bynta ka met iap jong I tei I heprit  bad hadein pat ki la aiti noh sha ia ka met sha ki ba haiing ha sem, katba ia katei ka kmie ieid na kaliang jong ki bor ba dei peit ka Hospital ki la phah noh sha  ka jaka ai jingsumar na kabynta kiba duna ha ka bor pyrkhat sha Shillong.