Khmih lynti ki paidbah ka Shillong, na u Modi

Shillong, 16 Jymmang:
Ka jingjop kput ka BJP ha ka ri India ha kane ka elekshon Lok Sabha ka la ktik ia kiba bun ki paidbah kane ka sor Shil long ruh, ba u Narendra Modi uban shimti ia ka kam Prime Minister ka ri un wanrah ia ki jingkylla ha ka ri.
Ka BJP ha kane ka elekshon kala jop don burom ryngkat bad ki paralok jong ka ha kaba kala tam ia ka jingbun paid hapoh ka iing dorbar ban synshar marwei ruh ka la biang pura.  Ka BJP mar wei kala ioh palat ia ka 272 ngut ki MP bad ryngkat ki paralok jong ka kila tam ia ka 330 ngut.
Kumba ka paw na ki lad pathai khubor  nongialam jong ka BJP u Narendra Modi yn shim smai kum u myntri rangbah duh jong ka Ri ha ka sngi Balang. Kane ka jingjop don burom jogn ka BJP kan pynioh ia ka Ri India ia ka sorkar kaba skhem.
Haba u nongai khubor u la ioh ban iakren bad kiba bun ki paidbah ha kane ka nongbah Shillong kila pynpaw ba ki kwah ia ka jingkylla bad kane ka jingkylla kala wan bad ki dang ap khmih lynti ba kane ka sorkar jong ka BJP hapoh ka jingialam jong u Modi kan ai ka jinghun ia ki paidbah kumba ki angnud.