Shillong 21 Lber: U bah Ardent Millar Basawiamoit president ka seng Voice of the people Party (VPP) u la ong,ba ngin iakhun beit ban ioh ia ka jingdawa ban pyntreikam ia ka Article 371 hapoh ka District Council bad ka lah ruh ban iatrileilang ryngkat bad ka Six Scheduled.
Ia kane u bah Ardent Millar Basawiamoit ula pynpaw ha ka rynsan iathir bad iatai ia ka Article 371 ha Sancardev College, ka ba la pyniaid da ka Q & A channel.
Ki nongiashimbynta ha kane ka jingiathir ki kynthup ia u bah Erwin Sutnga, u bah Robert Jones Kharjahrin bad u bah Ardent, ha ka jingsakhilang ki nonghikai, ki ba shah khot sngewbha bad ruh ki khynnah skul na ki jaka pule bapher bapher.
Ha kane ka jingiatai halor ka Article 371 na ka liang ki arngut ki nongiasait ain ba la kham rangbah kata u bah Robert Jones bad u bah Erwin Sutnga ki la pynksan da kaba ong, ba umlah ban wanrah ia ka Article 371 hapoh District Council namar kam lah ban iada ia ka bri u Hynniewtrep trep.
Ki la ong, ba lada jia ba wan ka Article 371 hapoh District Council kan sa don jingma ka ba khraw ia ka jaitbynriew.
U bah Erwin Sutnga ula ong,ba ka la Article 371 ka long tang Kum ka shatri, hynrei kam don bynta pat de kumno ban pyntreikam, kumba la shai ia ka jubab, namar kam lah ban past ia kano kano ka ain.
Ha ba bynrap biang pat na ka liang u bah Ardent u la ong, ba ka nongrim jong ka party kalong, ba ngi ong, ba watla ngi donkam ia ka Article 371 ban ong, ba Ngim donkam shuh ia ka District Council, hynrei ngi donkam lang.
Nalor kata u la ong, ba ka jingong ba lada wan ka Article 371 kadon ka jingma, ha kaba kin sa duh noh ki rangbah shnong ,dorbar shnong, hynrei lada jia ba la Article 371 kan wan,ka shong sa hangi kumno ban pyndonkam iaka.
“Mynta ha jylla Meghalaya ,baleika sorkar India kam lah ban tih uranium, hato dei ka jingiakhih ki sengbhalang, hynrei lada kito ki trai jaka ki ai jingbit ban tih ym don ba lah ban khang”, la ong u bah Ardent. Kumta u la ong,ba ngi hap ban smgewthuh ia ka jingiaid jong kapor”.
Ha kane ka jingiathir iatai ia ka Article 371 ka la don ka jingiapynksan ha la kajong kajong ka nia, ha kaba la sakhi ruh, ia ka jingiathnam bad ia knieh ktien kitei ki nongiatai ban nym ia ailad iwei ia iwei ban pynksan ia ka Six Scheduled bad ia ka Article 371.
Phi don ban ong eiei?