Ki nong pyndonkam Social media, ki la ther tyngeh mynta ka sngi, ia U Donald Trump, President ka USA, da kaba u ai jingmut ba dei ban injek sha ka met u briew, da ki dawai kiba dei ban pynkhuid lane ban pyniap ia ki khniang jingpang, kum shi bynta ban ialeh pyrshah ia ka jingpang coronavirus.
U Trump, ha ka jingiakren bad ki kotkhubor, u batai shaphang ka jing pynkhuid ia u nongpang, da kaba injek ia ki kynja dawai kiba dei ban pynkhuid shapoh jong ka met bad nangta ban pyndei da ka jingshai jong ka sngi ha ka met jong u nongpang.
Halor kitei ki jingkren jong U Trump, kito kiba don ha ka twitter, ki la khluit tar bad ki pyni da ka dur, ha kaba U Trump, u kren ia uwei u khynnah, da kaba u ong “Me la dep dih da ka dettol mynta ka sngi?”.
Na kitei ki jingkren, ka la pynlong ia ka kompeni dettol, ba kan pynshai, ba u briew, um bit satia ban dih ia ka dettol.
La don ruh kiba thoh bad pyni bad ki dur ha ka twitter, kiba ong “Mar ia dep pyndih da ka dawai pynkhuid jaboh, ngan ba da kane ka torch, haduh ba men da jem artad”.
Ha kawei pat ka dur, la pyni ia kawei ka briew, kaba leh mynleh, kumba ka thmu ban dih da ka dettol bad ka da ong “Hap dih noh dang step da ka dettol”.
Ha kaba iadei Bad uto u jamyrdoh phi ngam da sngethuh bha ki ei ki bor kiba don ha u kita ki composition ki jingtei ia ka Immune ki jng ngi kumno u pynkhlain ia ka immune ka jng ngi lada phi lah ban batai kham bniah
Haoid batai bha Seh nga ruh ngam sngew thuh kumno u ta u jamyrdoh.