Khlem pat treikam ka skhim thymmai ia ka MCCL

Shillong, 24 Lber:
U MLA ka Sohra u Bah Titosstar Wel Chyne u la kyntu ia ka sorkar ba ka dei ban pyntreikam noh shaid shaid ia ka skhim thymmai na ka bynta ban pynthymmai ia ka kompeni pynmih dewbilat ka sorkar ka MCCL.
U Bah Chyne u la rah ia kane hapoh ka iing dorbar hynne ka sngi ba ka jingpynslem ka sorkar ban pynlait ia ka pisa kaba dei ban pynthymmai ia ka MCCL, ka la buh ia kane ka karkhana hapdeng ka jingeh bad ka jingring sdot.
U la kynthah ruh ia ka sorkar kaba khlem mang pisa haduh kine ki sngi ban pynlait noh ban pynkhlain ia kane ka kompeni sorkar kaba la rim tam ha ka jylla.
Katba u MLA ka Shella u Dr Donkupar Roy u la ong ba ka sorkar ka la dei ban rah noh ia ka ophis jong ka MCCL na Shillong sha Sohra khnang ban pynsuk ia ka jingtreikam treijam. U Dr Don u la buh jingkylli ruh balei ka sorkar ka la phah shim Voluntary Retirement Scheme jubor ia ki nongtrei ka MCCL hynrei ki dei ban ai katkum ka jingjied bad ka mon jongki, ym ban shu pynbor ban shim jubor ia kane ka VRS.