Khlem nombar plate, kamai ki Bus Sawkhmut

Shillong,27 Nailar:
Ki kali kamai kim lah ban kamai khlem da ioh ia ka nombar plate bad khamtam eh ia ki Local Taxi nalor ba ki la ioh bad Permit bad Nombar Plate, hynrei dang donkam pat sa ia ki Sticker; hynrei ka long pat kaba sngewlyng ngoh ba kawei ka kali Bus saw khmut ka bym don wat tang ia u nombar plate ruh ka kamai thik thik. Katei ka Bus Sawkhmut kaba kamai khlem nombar Plate ka dei kaba kamai na IewMawlong sha Maw ngap.
Lehse bun ki la klet ban peit la kitei ki Bus ki don nombar ne em, namarba tang shu iohi ba ka rong ka la saw tang katta la biang hynrei uwei u rangbah khlem poi pyrkhat u la ong ba katba u dang shong ha katei ka kali bad haba la poi ha jaka ba la pynsangeh ba un hiar katei ka kali ka la iaid beit khlem patiaw bad u nongniah ruh um pynsngap ia ka jingphah ap u nongbud bad u iaid la ka lynti bad u la sangeh shi kilomitar eiei shakhmat na ka jaka ba la pynsangeh.
Ynda hiar na kata ka kali utei u rangbah u la peit ia u nombar plate jong ka kali ban ioh ia kren ia katei ka jingleh jong ha ka step kaba bud namarba ha katei ka por ula phet noh bak marsien hiar wat ia ka dor ruh u la shim tam hynrei kaba pynkyndit pat ka long ba katei ka kali kam don nombar plate satia na ka bynta ba shadien ne shakrung. Ka jingbym iohi ia ka nombar plate na ki bynta ba shadien bad ba shakrung ka la mih ka jingartatien ba lehse na shakhmat ruh katei ka Bus kam don nombar satia.