Shillong: Ka Mawlai Sports Club bad ka Wahingdoh ki khlem ban ia thep kol ha ka jingialehkai First Division ka Shillong Sports Association myn hynnin ka sngi Balang ha ka jingialehkai ha madan JN Stadium, Polo.
Da kane ka jingiakhaid, ki hap ban iasam mar shi point na kane ka jingialehkai kaba long mynta ka sngi.
Ha kawei ka liang ka jingialehkai third division ka Laitkor ka la pynliem ia ka Sohiong da 3-2.
U Hambor Lyngdoh ka Laitkor ula thep 2 kol ha ka 20 bad 86 minit bad u Samborlang Mynsong ula thep shikol ha ka 43 minit. Ha ka jingshisha, ka Sohiong ka la lah ban pynphai ar kol lyngba u Balancejoy Kharkrang ha ka 49 minit bad u Albinit Khongshun 61 minit.
Ha kawei pat ka jingiakhun ka Lumdiengjri ka la pynliem ia ka Nongrah da 1-0. Ia katei ka kol nam jop na ka Lumdiengjri la thep da u Edward Shabong ha ka 20 minit.
Kumjuh ka Mawphlang ka la pynliem ia ka Golflink da 1-0. Kane ka nam jop jong ka Mawphlang ka la wan lungba ka kol na u Comgfort Mawlong ha ka 70 minit jong ka kylla miet.