Mawkyrwat: Ki nongshong shnong jong ka thain Nongtrai South West Khasi Hills District ki la dap da ka jingsngewsih kaba khraw hadien ba ki shipai BSF ki la leh dusmon da kaba pynjot bad pom pathar ia ki dieng kwai kiba la heh la san ha ki bri jong kane ka jaka. Kane ka jingpom jong ki shipai BSF ia ki diengkwai ka long ban shna ia ka jingkieng dieng ban kam sha shiliang wah.
Ki dieng kwai ha ka bri ha Nongtrai SWKHD ba la pom pathar da ki BSF.
Haba la ioh ban iakren bad u samla Wanbok Rinbon, President KSU Nongtrai Unit, u ba dei ruh kum u Executive Member ka KSU South West Khasi Hills District ula pynpaw ia ka jingsngewkhia halor ka jingleh donbor jong ki shipai Border Security Force (BSF).
Kumjuh ruh ka KSU South West Khasi Hills District ka la pynrem jur ruh ia ki bor pyniaid District jong ka South West Khasi Hills District kiba la sngap la ka sngap khlem jubab ei ei ruh halor ka jingai por bad jingdawa jong ka seng ban weng noh ia ki jingpyrshang jong ka ophis DC ban wad jaka ban buh ia ka ktem shipai ha Mawkyrwat.