Shillong: U President jong ka party People Democratic Front(PDF), u bah Banteidor Lyngdoh u la ong kam shem la don kano kano ka jingiateh ban bujli ia ki minister ha ka party PDF bad na ka liang ki 4 ngut ki MLA jong ka PDF u bah Banteidor Lyngdoh, u bah Hamletson Dohling, u bah Jason Mawlong bad u bah Gavin Mylliemngap.
U bah Bantei u la ong ruh “Naduh ba ki sngi ba nyngkong da ka jingsngewthuh jing mut lang jong ki 4 ngut ki MLA ki la jied ia u bah Hamletson Dohling bad ia nga ban don bynta lang ha ka sorkar MDA hynrei kam shem la don ka no kano ka jingpynbeit ne ka jingiateh ban bujli minister hadien ba la dap ar snem shiteng bad kam shem la don ruh kano kano ka jingpynpaw na ki ne ar ngut ki MLA ba ki kwah ban bujli minister”. U la ong ruh “Na ka liang jong ka party PDF ka la aiti ia ka rai ha ngi 4 ngut ki MLA ban rai ia ka ne ka bynta hynrei kum ka burom iwei ia iwei na ka liang jong ngi ki minister arngut ngin hap ban ia shong bad ban kren snewthuh jingmut para ma ngi”.
U bah Bantei u la ong ruh ba na ka liang jong u bah Jason Mawlong bad u bah Gavin Mylliemngap kim pat ju pynpaw ba ki kwah ban shim bujli ia ka kam minister hynrei ban ia kren bha halor kane, ngin sa shong da ka jingialang ha une u taiew u ban wan”.
U la ong ruh “Ka por ka ban sa batai ba kin bujli ne em ia ka jinglong minister ha ka party PDF, hynrei lada don kano kano ngin sa ia kren da ka jing ia sngewthuh jingmut lang jong ki 4 ngut ki MLA jong ka party PDF.
Phi don ban ong eiei?