Shillong: Ki bor pyniaid jong ka East Khasi Hills District, hynnin ka miet, ki la khang dam ia ka ophis bad ka jaka sah jong ki nongtrei ka Shillong Times, kaba don ha Rilbong, namar ka jingdon jong kito kiba don lane kiba iajan bad kiba ioh pang Covid 19.
La pynbna ruh ba la khang dam ia ki jaka sah jong ki nongtrei ha ka ophis jong ka Survey of India, kaba don ha Barik bad la khang sbak ruh ia ka iing jong U bah R Kurbah, Mawlonghat, kaba don ha syndah ka Punjabi Line bad la khang sbak ia ki iing jong ka Kong Punoli Lyngdoh, ha Rilbong Donoon Compound, ka iing U Arjun Kumar Rai, U Debu Sarkar bad U Mohon Biswa, kaba don ha Oxford Hills, Maxwelton Estate, Rilbong bad la khang sbak ruh ia ka iing jong ka kong Highly L Lamare, ha New Kench’s Trace, Bishnupur bad nangta la khang sbak ia ka Raymond Cottage ha Oakland bad ia ka Mathura Compound ha Jhalupara, nangta la pynjlan shuh ia ka iing jong ka kong Martian Mawthoh ha Riat Bharat, Malki Nongshiliang bad la khang sbak ia ka Horju Roy Compound ha Stand Jeep.
Phi don ban ong eiei?