Khlad uwei uba wan na Anjalee, ym pat thikna, ba dei uba pang covid

Shillong: U Director ka tnad ka koit ka khiah, U Dr Aman War, u iathuh ba mynta ka sngi, ba ha ka por kumba 3:30 baje eiei, la wanrah ia u wei u rangbah sha Civil Hospital ha kaba ki doktor ki la pynbna ba u la khlad shuwa ban poi sha Civil Hospital Shillong.

Haba kren ha ki lad pathai khubor, u Dr War u la iathuh ba une u rangbah u dei u ba tip kyrteng kum u Rajendra Shah 70 snem ka rta na Kamakhya Compound kaba don ha Anjalee, bad u dei u ba don ia ka jingpang COVID-19 .

U Dr War u la iathuh ba ka daw ba la wan rah ia une u briew sha Civil Hospital ka long namar ba u la ur ha iing sah jong u, hynrei ha ba la poi ha Hospital ki doctor ki la pynbna ba u la khlad shuwa ban poi ha Civil Hospital.

Na ka liang u Dr War u la iathuh ba na ka liang jong ka tnad ka koit ka khiah ki dang hap ban wad bniah ia ka daw jong ka jingkhlad noh jong une u rangbah bad ia mynta ym pat lah ban shim ia ka jingkhein namar ki dang hap ban peit ia ka daw jong ka jingkhlad jong une u briew.