Khlad u samla ba twa ka kynroh ha iingsah, ha dong Wailong Sutnga

Shillong 29 Jymmang: U wei u samla ia u ba la tip kyrteng u Ohi Nongtdu u ba la don 27 snem karta u la duh ei ia la ka jingim na kadaw jong ka jingtwa ka kynroh hynnin ka sngi baar ka 28 tarik u jymmang 2024, ka ba la ban ia ka iingsah ha dong wailong Sutnga ka ba hap hapoh ka East Jaiñtia Hills District.

U tei u samla u ba la duh ei ia la ka jingim u dei u khun jong ka kong  Rati Nongtdu.

Ka jingtwa katei ka kynroh kadei namar ka jingjur palat u slap hynin ka sngi ka ba la pynlong ia baroh ki district, ban julor ban shlei um bad ym tang ha nongbah Shillong hynrei wat ha ki jaka nongkyndong ruh kumjuh.

Katkum ki khubor na la ioh lum hynnin ka sngi la ong, ba ka jingtwa jong katei ka kynroh kadei ka ba la jia ha kapor kumba 5 baje mynstep . Katei ka iing ka ba la julor jong ka jingtwa ka kynroh kadei jong ka kong Rati Nongtdu.