Khlad u rangbah, ba tyngkhuh kali ha Kynshi

Nongstoin, 28 Nailur:
U wei u rangbah u bym shym pat la lah ban tip kyrteng u la khlad noh ha shen hadien ba ka kali kaba u shong ka la ia leit ban ia tyngkhuh bad kawei ka trok ha kawei na ki jaka ha ka shnong kynshi, kaba la jia mynta ka janmiet ha ka por 8:30 eiei.
Katkum ka tyllong khubor bala ioh lum na ki paidbah katei ka thain la ong katei ka kali kadei ka Bolero Pick Up kaba don ia u registration numer ML 05-6900 kaba dang wan na ki thain Shillong bad mar iapoi ha katei ka jaka ha ka shnong Kynshi ka la ia tyngkhuh noh bad kawei ka trok kaba dang wan mar pyrshah.
Shuh shuh la ioh jingtip ruh ba katei ka jingjia ia tyngkhuh kali kala long ba I shyrkhei haduh katta katta namar ba wat ia ka dur khmat jong u tei u rangbah u ba la khlad noh ym shymla lah shuh ban ithuh satia.
Ia ka katei ka jingjia haduh bala thoh ia kane ka khubor ym shym pat la lah satia ban pyntikna ia ka daw kaba la pynlong ia katei ka jingiatakhuh kat haduh ban da duh ei noh ia u wei u mynsiem briew.