Khlad U President ka Sein Raij

Jowai, 10 Jymmang:
U President ka Seinraij Jowai u Rgh. JK Passah uba dei ruh u District Agriculture ba la shong thait u la khlad kyndit noh mynta ka step Sngi U Blei sngi na ka daw ka jingsangeh kyndit u Klongsnam.
Ka jingleit on thang ia utei u nongialam ka Sein Raij kan sdang naduh ka 9:30 mynstep na iing jong u na Pohdaikhoo Lompyrdi Iongpiah jowai nangta sha lum thang briew sha Khingmusing ha ka 12/5/15.
Halor kane ka jingkhlad kyndit u ma Passah na ka liang ka seinraij Jowai ka pynpaw ia ka jingduh ba khraw. “Kum u nongialam u la leh shibun ki kam naduh ba u la long kum u secretary  ka SMC, Auditor, Chairman ki Committee, Vice president ha ki 20 snem mynshwa bad haduh mynta u la bat ia ka kam president la kumba 2 snem”, la iathuh u General Secretary ka Sein Raij u ma Hercules Toi.
Na ka liang ka seng ka la phah ia ka khubor sngewlem sha ki ba haieng ha sem, Ka lok jong u bad ki khun ki ksiew jong u. Ha ka juh ka por ka seng kan buh ruh ha ki jingduwai ba in poi suh sha Dwar U Blei.
U ma J.K Passah i dei i retired DAO, West jaintia Hills District, Jowai. I long ruh i president ka jaintia Fishing and Environment Association, president ka Kur Passah. I lah ieh shadein ia i lok, saw ngut ki khun kynthei bad uwei u khun shynrang.