Khlad U Pastor Osterland Mawroh

Shillong, 27 Jylliew:
U Pastor Osterland Mawroh, u la khlad noh na kane ka sla pyrthei ha ka step sngi Nyngkong ha ing sah jongu ha Laitum khrah. U Pastor Mawroh ia la don ha ka rta kaba 67 bad u la shongthait na ka jingtrei kam kum u Pastor ha u snem ba la dep ha u bnai Nailur.Haba ia kren bad u Pastor DS Sohkhlet, u ba bat ia ka Senior Executive Secretary ka Synod Mihngi ha ki snem ki ba la dep, u pynpaw ia ka jingsngewkhia halor ka jingkhlad noh jong U Pastor Mawroh bad ka jingduh ba khraw ia ka Balang baroh kawei.
U Pastor Sohkhlet, u la iathuh ruh ba u Pastor Mawroh i don ia ka jingpang bam pong ha ki snier bad ha u snem ba la dep i la wan ban phah sumar sha Vellore ha u bnai Risaw ter hadien ka jngshong thait jongu. U Pastor Mawroh u la wan noh sha Shillong hadien katei bad phah sumar noh ha Robert’s Hospital, Shillong ha kaba u la ioh bor bad kham bha na katei ka jingpang bad u la wan ruh sha ka jingiaseng ialap ha Ri Bhoi dang ha ki bnai ba la dep.
Hynrei ha ki khyndiat sngi ba la dep u la don biang ha ka jingshitom ha kaba la pynkit ia u sha Robert’s Hospital . Hadien katto katne sngi ka jingshah sumar u la phah ban wan buh noh ia ia sha ing kaba u shong u sah haduh ba un da khlad noh na ka pyrthei.Ka jingleit ontep ia u kan long ha ka 29 tarik mynta u bnai ha U Lum Jingtep ka Balang Presbyterian, Laitum-khrah ha ka por 12 baje mynsngi.