Khlad u nongthoh khubor ba rangbah ka jylla

Shillong: U Bah Syndor Sing Syiem, uwei na ki nongthoh khubor jong ka jylla, ula khlad noh myn hynnin ka miet.

U bah Syiem, ula khlad, ha ka jingshah sumar ha NEIGHRIMS, Shillong bad ula don 67snem ka rta.

U Bah Syiem, ula sdang ia ka kam thoh khubor, ha kaba ula don bad U Editor ka Pyrta Riewlum, ha ki snem 1986-89 bad nangta kum U Editor U Nongsain Hima, naduh u snem 1992 haduh u snem 2003 bad hadien kata, ula long U Editor U Peitngor, haduh ba un da shongthait na ka kam thoh khubor.

Ha ki bun bnai ba ladep, U Bah Syiem, u dang iai bteng hi, ban thoh artikel, ha ka kotkhubor jong U Nongsain Hima.

Na ka liang jong ka Meghalaya Editors & Publishers Association (MEPA) bad ka Shillong Press Club, ki phah ia ka khubor sngewlem halor ka jingkhlad jong utei u rangbah.