Nongpoh: Mynhynnin ka step ha ka por 7 baje ei ei mynstep, ka la don kawei ka jingjia aksiden ha surokbah NH-6 ha Nongpoh, ha kaba kawei ka bos Night Super kaba don ia u number AR-16-A-5022, kaba don ha lynti na Shillong sha Guwahati, ka la leit tynrah beit nadien jong kawei ka trok kaba don ia u number NL-01-AA-8595 kaba ieng harud surok.
Ki briew kiba la iohi ia katei ka jingjia, ki la pyrshang ban leit ai jingiarap ia ki briew bad khatam eh ban sei ia u nongniah, uba la sahkut hapoh katei ka bos bad kiba la pynkit mar mar sha Nongpoh Civil Hospital. Ha katei ka jingjia, ki la don kiwei kiba shong ha katei ka Night Super ki la mynsaw malu mala, hynrei uba la mynsaw eh dei u nongniah, ha kaba wat haba u la poi ha jaka sumar, u la khlad noh namar ba u la mynsaw jur palat.
kumne hi jia da leh fast and furious