Khlad u kpa, mynsaw u khun ba pom pyrthat

Nongstoin, 25 Nailar:
Ha kawei ka jingjia kaba sngewsih kaba la jia ha ka janmiet jong ka sngi palei jong ka taiew ha kapor kumba 12 baje u wei u rangbah u la duh ei iala ka jong ka jingim hadien ba u pyrthat u ba jur u la pom katba u dang don ha ka jaka bylla ha Tynronglawrisaw kaba hap hapoh ka shnong Sohparu West Khasi Hills District.
Katkum ka tyllong khubor bala ioh lum la ong ba u tei u rangbah u ba la khlad noh la tip kyrteng kum u King Jyrwa u ban a ka shnong Mawlieh West Khasi Hills, bad ka tyllong khubor ka iathuh ruh ba ha katei ka jingjia la iadon lang ruh u khun jong u tei u rangbah u ba la tip kum u Kynajai Marngar u bala ngat ruh ha ka jingmynsaw kaba jur.
Shuh shuh la ioh jingtip ruh ba ha katei ka jaka ki don kumba saw ngut ki briew kiba bylla pom dieng bad dei ha katei kapor u lap bah u ba jur u la ther bad katba kitei ki saw ngut ki dang iarieh salp ha katei ka jaka kynsan kynsan u byrthat u ba jur u la tied bad pom ha kaba kala wanrah ruh ia ka jingjia kaba sngewsih ha katei ka jaka.
Hadien katei ka jingjia ka tyllong khubor ka iathuh ruh ba kila pyntip mar mar ia katei ka jingjia sha ki pulit ka Nongstoin.
Na ka liang jong ki pulit ki la pynkit noh ia u Kynjai Marngar sha Civil Hospital Nongstoin ban ioh ia ka jingsumar kumjuh ia ka metiap jong u tei u rangbah na ka bynta ban pyndep ia kaba donkam.