Khlad u draibar ba hap nalor trok ha Mawtnum

Nongpoh, 18 Iaiong:
U wei u draibar jong ka wei ka trok bala tip kyrteng kum u Balangson War u la khlad noh hashen hadien ba u la hap na kawei ka trok kaba u la niah ha ka shnong Mawtnum ha Ri-Bhoi.
Kane ka jingjia kala jia hynnin ka sngi haka por 4 baje eiei janmiet haka shnong Mawtnum ha u surok National Highway-40, ha kaba u tei u draibar um lah shuh ban teh lakam iaka kali kaba don ia u number AS-01Y-4316 haduh ba un da leit ban tynrah syndon iaka sharud bad khlad noh na kane ka pyrthei.
Kat kum ka jingia thuh jong ki pulit ka Nongpoh, ki la iathuh ba ka daw bala pynlong ia u tei u draibar ban hap nalor ka kali kaba u niah ka dei namar ba u la dih buaid, haduh ba um lah shuh ban teh lakam iaka kali kaba la pynlong ia u ba un leit tynrah iaka kali sharud surok bad hap syndon nalor katei ka kali kaba u niah. Hadien kane ka jingjia naka liang ki pulit kila pynkit noh ia u sha Civil Hospital Nongpoh naka bynta ban ioh iaka jingsumar hynrei namar shitom kaba jur na katei ka jinghap, u la khlad noh syndon tang ia poi ha civil hospital Nongpoh.
Halor kane ka jingjia na ka liang ki pulit ki la pynlong iaka jingtohkit bad suba ruh ba u tei u drai u dei u ba la dih buaid haduh ba un da pynthom iaka kali sharud, bad naka liang ki pulit kila pyndep iaki jingdonkam baroh halor kane ka jingjia.