Khlad U bah JD Rymbai, myntri rangbah barim ka jylla

Shillong: Ki lad khubor, kiba dang shu ioh lum, ki iathuh ba U Bah JD Rymbai, MLA barim ka Jirang, uba dei ruh u myntri rangbah barim bad u lamphang barim ka dorbar jylla, ula khlad noh mynta ka step, ha ka iing sah jongu ha Mawlai, ha ka rta kaba 87 snem.

U Conrad Sangma, myntri rangbah ka jylla, ula phah ia ka khubor sngewlem, halor ka jingkhlad jong U bah Rymbai. “Sngewdiaw mynsiem shi katdei, ban tip, halor ka jingkhlad noh, U Bah JD Rymbai, myntri rangbah barim ka jylla” ong U Sangma, ha ka tweet jongu.

U bah Rymbai, ula long U MLA ka Jirang, naduh u snem 1983, haduh u snem 2003. Ula long u myntri rangbah ka Jylla, ha ka 15tarik Jylliew, 2006 haduh U Lber 2007.