Shillong:U myntri kam pohïing barim u bah HDR Lyngdoh uba dei ruh u kyrtong ka UDP na Sohïong konstit wensi, ula khlad noh hynnin ka janmiet ha Bethany Hospital.
U Bah HDR Lyngdoh ula kem pang kynsan kynsan hynnin ka janmied hadien ka jingleit ïashim bynta ha ka rynsan ïalap elekshon ha Mawmaram.
Katkum ka khubor la ïathuh ba une u rang bah ula khlad noh ha ka por 4 baje janmiet bad la suba jur ba ka jingïap ka lah ban dei na ka jingpang kyndeh shadem.
U bah HDR Lyngdoh u dei uwei na ki 6 ngut ki kyrtong kiba la mih ban aireng ha kane ka ilekshon MLA kum u kyrtong ka United Democratic Party (UDP) ka ban long ha ka 27 tarik Rymphang, ban wanphai biang kum u nong mihkhmat.
U bah HDR Lyngdoh ula shah pynrem kum u kyrtong ka Congress ha ka elekshon MLA 2018 ha u bah Samlin Malngiang na ka HSPDP.
Ngi dap da ka jingsngew sih ka ba Khraw eh haba ngi duh noh ia u nong ialam u ba don ka jing kit khlieh iaka ri bad ka jait bynriew.bad ngi kyrmen ba ka mynsiem jong une u rangbah kan shong suk ha khmat u Blei.bad ruh U Blei un pynmih bujli khambun ki nongtrei ia ka ri bad ka imlang sahlang