Khlad sa uba na Jhalupara, na ka khlam corona virus

Shillong: U Director ka tnad ka koit ka khiah u Dr Aman War, u iathuh ba uwei u briew u ba don ia ka jingpang Covid -19 u ba la tip kyrteng kum u Gopal Chandra Bag Das 67 snem ka rta u ba shong ba sah ha Contonment Jhalupara mynta ka sngi u la khlad noh ha Civil Hospital,Shillong.

U Dr War u la iathuh ba ia une u briew la wanrah ban phah sumar ha Civil Hospital,Shillong ha ka 12 tarik u Nailur 2020 bad la test Covid positive ha kane ka sngi ba la wan ban phah sumar ia u ha Civil Hospital,u dei ruh u briew u ba don ruh ia ka jingpang Hypertention bad Diabetes.

Na ka liang ka Civil Hospital ki la ai jingsumar ia u ha ka karma ICU jong ka Civil Hospital, hynrei ha ka 15 tarik u Nailur 2020 u la khlad noh ha ka por kumba 3:25 janmiet bad ka daw ka jingkhlad jong u ka dei na ka Covid-19 pneumonia.

Ha ka jylla haduh mynta ka sngi ki briew kiba don ia ka jingpang Covid -19 bad kiba la khlad noh ki la poi sha ki 29 ngut.