Khlad sa arngut kiba pang COVID-19, kiew kiba khlad sha ka 12 ngut ha ka jylla

Shillong: Sa arngut kiba iohpang Covid-19 ki la khlad noh mynta ka sngi nyngkong ha kaba kiba khlad baroh ki la poi sha ka 12 ngut ha ka jylla.

Katkum ka jingiathuh jong u Director of Health Services (MI), Dr. Aman War, u la iathuh ba uwei na kine ba la khlad noh uba la tip kyrteng kum u Jagadish Prasad Shah 65 snem ka rta uba sah ha Riat Laban u la khlad noh ha shuwa ban poi ha Nazareth Hospital ha ka 30 Nailar 2020 ha ka por kumba 10.45 mynmiet bad uwei pat udei uba la tip kyrteng kum u Sunil Kumar Jain 60 snem ka rta na Jhalupara u ba la shah sumar ha NEIGRIHMS ha ka 30 tarik u Nailar 2020, bad u la khlad noh ha ka 31 tarik u Nailar 2020 ha ka por kumba 7:00 janmiet. La iathuh ruh ba u Sunil Kumar Jain u dei uba don ruh ki jingshitom kiba bun ha ryngkat bad u coronavirus.