Khlad sa 2 ngut, mynta ka sngi; poi sha 42 ngut kiba khlad covid ha ka jylla

Shillong: U Director ka tnad ka koit ka khiah U Dr Aman War u iathuh ba sa 2 ngut ki briew kiba don ia ka jingpang Covid -19 ki la khlad mynta ka sngi.

Kawei ka dei ka longkmie ka ba la tip kyrteng kum ka Raina Begum kaba sah ha Mahendraganj South West Garo Hills bad uwei u dei u ba la tip kyrteng kum u Depak Dutta u ba sah ha Circuit House ka ba don ha Kench’s Trace.

Ia ka Raina Begum 68 snem ka rta la pynkit ha Ampati Civil Hospital ha ka 17 tarik u Nailur 2020 ha ka ba la leh ia ka test bad la lap ba ka long Covid positive bad ka la khlad noh ha ka 22 u Nailur 2020 ha ka por kumba 10:50 baje eiei na ka daw jong ka stroke, hypertention bad diabetes. Ia u Depak Dutta 75 snem ka rta la rah sha jaka sumar jong ka NEIGRIHMS Hospital ha ka 19 tarik u Nailur 2020 ha kaba la lap ba u don ia ka jingpang Covid -19 bad u la khlad noh ha ka 23 tarik u Nailur 2020 ha ka por 2:50 baje mynstep na ka daw jong ka respiratory failure, Covid pnemoinia bad u dei ruh u ba don ia ka jingpang Kidney.