
Shillong: U Bah Kitbok Phancon u ba dei u RJ hapoh radio jong ka 93.5 Red FM u ba u khot ieid ruh kum u RJ Kit u la khlad noh na kane ka sla pyrthei. La kha ia u RJ Kit ha ka 2 tarik u bnai Jylliew ha ka snem 1983 bad u shong u sah ha Malki Pdengshnong hynrei hadien ba u la dep shongkurim u la poi sah noh ha Laitumkhrah Nongrimbah bad la ka kurim ka jong u kaba la tip kyrteng kum ka Kong Anesthesia Nongrum. U Bah Kit u la iehnoh shadien ia la ka kurim bad sawngut ki khun kynthei jong u.
U Bah Kit u la don hapdeng ka jingshitom kaba la bat ia u mynta la slem bha hynrei u long pat uwei na ki briew u bym ju pynsngap ia ka jingpang hynrei u ba dap tang ka jingphuh samrkhie ha ka durkhmat ka jong u. U Bah Kit u la trei ha 93.5 Red FM naduh ka snem 2008 bad ki paidbah ki ju ieid bha ia u namar ba u long u briew u ban nang bha ban pynsamrkhie lyngba ki kyntien kiba u kren bad ki kam kiba u leh.
Phi don ban ong eiei?