Khlad noh U Ram Jethmalani, ha ka rta kaba 95

U Ram Jethmalani, u riewsaid ba pawnam ka India bad u myntri kam ain barim ka sorkar India, ula khlad noh mynta ka sngi, ha rta kaba 95 snem.
U Jethmalani, u khlad ha ka por 7.45 baje mynta mynstep ha ka iing sah jongu ha New Delhi, ong khun jong u, U Mahesh Jethmalani.
U Jethmalani, u khlad ha shwa ba un dap 96 snem, ha ka 14tarik Nailur 2019. Yn thang ia U Jethmalani, mynta ka janmiet ha ka jaka thang ha Lodhi road.

U Jethmalani, ula long u myntri kam ain ka sorkar India bad u myntri Urban Development ha ka sorkar jong U Atal Bihari Vajpayee bad ula long ruh u chairman ka Bar Council of India.
Shibun ki nongialam sain pyrthei ba kynthup ia U Amit Shah, home minister ka sorkar India, U Ravi Shankar Prasad myntri kam ain ka sorkar India, U Arvin Kejriwal myntri rangbah ka Delhi, ki thoh ha ka twitter jongki ban sngewlem halor ka jingkhlad utei u nongialam.