U Professor Stephen Hawking, ula khlad noh hynnin ka sngi ha ka rta kaba 76 snem.
U Hawking, uba dei uwei na ki stad saian jong ka sobjek physics, ula khlad ha Cambridge, England, ong ka khubor.
Ki khun jong U Hawking, ba kynthup ia ka Lucy, U Robert bad U Tim, ki pynmih khubor, ha kaba ki ong “Ngi sngewsih kthang ba u kpa ba ieid jongngi, ula khlad noh”.
U Hawking, u dei u stad uba la thoh shibun shaphang jong ka saian, ha kaba iadei bad ka haw haw, ka por bad ka thliew kaba iong lane ka black hole bad ka kot jongu, kaba kyrteng ‘A Brief History of Time,’ ka dei ka kot kaba iaid iew tam ha ka pyrthei, hadien ka kot kaba la thoh da U Albert Einstein.
Wat la ka met jong U Hawking, ka la iap shiliang noh, ha kaba um lah shuh ban iaid ban ieng bad ula shu shong ha ka shuki, naduh ka rta kaba 21 snem, hynrei, ula pynlyngngoh ia ki doktor, ba u dang im sa haduh 50snem tam ka rta jongu.