Khlad noh u myntri rangbah U Manohar Parrikar, u myntri rangbah ka Goa

U Manohar Parrikar (63), myntri rangbah ka Goa, ula khlad mynta ka janmiet ha ka iing sah jongu ha Dona Paula, hadien ba ula ioh pang bampong la shisnem mynta.

U Parrikar,  ula leit shah sumar ha ki hospital  sha America, Mumbai, Delhi bad Goa. U Parrikar, u don arngut ki khun shynrang bad ka kurim jongu, ka  Medha Parrikar ka la khlad la khad ar snem mynshwa.

Hynnin ka sngi, la don ka jingiakren ba ka koit ka khiah jongu, ka la hiar shi katdei.

U Parrikar, uba dei u myntri rangbah ka Goa, u dei u nongialam uba jrong rynieng tam jong ka seng BJP ha Goa, ha kaba ula shimti ia katei ka kam myntri rangbah ha ka sien kaba saw ha ka 14tarik Jymmang 2017, hadien ba ula iehonoh ia ka kam myntri iada ri jong ka sorkar India.