Khlad noh U Ma Mihsalan Suchiang

Jowai: U MLA barim ka Mowkaiaw, u ma Mihsalan Suchiang bad u kpa jong u MLA ka thain uba mynta u ma Nujorki Sungoh u la khlad noh sha la U Trai mynta ka step hadien ka jingpang kaba la bat ia u la kham slem. U ma Mihsalan Suchiang u la don ha ka rta kaba palat 79 snem ka rta. U Ma Mihsalan, u dei ruh U Tymmen Basan, jong ka balang Presbyterian, Mukhap.

Utei u riew pawkhmat ka jylla u la rung sha ka kam sain hima sima naduh ba la seng ka ka party riew lum ka HPU kaba pynbabtis pat sha ka UDP bad u dang bat haduh hynne ka sngi kum u Adviser ka Party ha ka jylla.

U la sdang ia ka kam kum u politician hadien ba u la pyndep ia ka kyrdan MA na Guahati Unversity.
Kum u nongmihkhmat ba shaniah ki paidbah, u la jop ia ka MDC haduh 4 sien kynthih bad MLA 3 sien kynthih.
Ka khubor na kiba ha iing ha sem ka iathuh ba ka sngi lehburom ba khadduh ia utei u nongialam yn pyndep la shai ka sngi Balang ha iing sah jong u ha Mukhap shwa ban leit buh ia kaba sah jong u sha u Lum jingtep ka Balang Presbyterian ha katei ka shnong.