Khlad noh U Ma HB Dan, U MLA, MDC barim ka Nartiang Constituency

U Ma HB Dan bad ka kurim jongu:File Rupang

Jowai: U MLA bad MDC barim jong ka Nartiang Constituency, uba dei ruh u myntri ka sorkar jylla, u ma HB Dan u la khlad noh ha ka step jong ka sngi balang ha ïingsah jong u ha Jowai, hadien ka jingshitom kaba la slem bha.

U Ma H.Britainwar Dan, uba ju khot ieid kum u Ma Ten, u la shah jied na Nartiang Konstitwensi lai sien lynter, kata ha u snem 1978 (Myntri ka Sorkar Jylla), 1988 bad 1998 (Kabinet Minister).
U la bat ruh ïa ka kyrdan kum u nongïalam ka liang pyrshah ha ka Ïing Dorbar Thawaiñ ka Jylla Meghalaya.

U la shah jied ruh ar sien kum u MDC sha ka JHADC bad u la long ruh u CEM ka Jaintia District Council. U ma HB Dan u iehnoh shadien ia la ka tnga bad 7 ngut ki khun.
Ka jingleit on tep ïa u kan long ha ka 18 tarik Risaw 2024 ha u lum jingtep jong ka Balang Presbyterian, Jowai.