Khlad noh U bah Midford Ryngksai

U Bah Midford Ryngksai, ula khlad noh mynta ka sngi. U Bah Ryngksai, uba don 71snem ka rta, ula shu khlad khyndit mynta ka sngi, ong ka khubor ba la ioh lum na kiba ha iing. Haduh ka sngi khadduh jongu, utei u rangbah, u dang bat kum U Rangbah Shnong ka Dawki. Yn tep ia utei u rangbah, ha ka 19tarik Nohprah 2015, ha ka por 1baje nohsngi ha ka shnong jongu ha Dawki.
U bah Ryngksai, u dei uwei na ki rangbah, uba ieid bha ia ka jingialehkai phutbol bad ula pynialehkai phutbol, la bun bun snem mynta ha kaba ka la khring ia kiba bun ki bah ki riewieid phutbol na kylleng ka Ri Khasi Jaintia. U dei ruh uwei na ki nongialam, uba ia khun ban pyrshah ia ka jingker sainar shiah bad uba dawa ban pynbeit ia u pud u sam uba dang sahteng haduh ha kine ki sngi, hapdeng ka India bad ka Bangladesh.Ka Dorbar Ki Khlieh Nongsynshar Ka Ri Hynniewtrep, Ka Federation of Khasi States, Ka Federation of Ri War Mihngi Local Dorbar, ha ka jingiakynduh kaba kyrkieh ka pynpaw ka jingsngewsih bad ka jingkyndit ban ioh jingtip ianka jingkhlad noh u Bah Mitford Ryngksai, Rangbah Shnong, Dawki, uba la long u paia, u mawpud jong ka Bri Hynniewtrep sha ka thain khappud India Bangladesh. Ka long ka jingduh kaba Khraw kane ka jingkhlad kyndit jong i  Bah Mitford Ryngksai. Ha kum kane ka por ka Dorbar ki khlieh Nongsynshar Ka Ri Hynniewtrep ka pynpaw ia ka jingsngewsih bad phah ia ka jingsngewlem sha ka iing baroh kawei.