Khlad noh ki laingut ha Umsawli, suba, ba dei na jyntah tit

Shillong:Lai ngut ki nongtrei jong ka Institute of Science & Bio- Resources ISBR, la lap ba ki la iap ha katei ka jaka pule kaba don ha Umsawli, New Shillong ha ka sngi saitjaiñ.

Ka met jong ka Sheba Kharbani 40 snem ka karta, Rupert Donbor Dohtdong kiba trei kum ki cleaner bad u Backstar Kharkrang ba dei u nong pynkhuid la lap na katei ka jaka pule, kiba dei baroh lai ngut na Mawlai Phudmuri.

Ki pulit ki la plie ia kawei ka kamra jong kane ka skulbah, hadien ba ki la ioh jingtip ia ka jingsma iwtung, napoh jong kane ka kamra.

Ka jingiap jong kine ki briew ym pat lah satia ban pyntikna, ka dei na kaei ka daw, hynrei la suba ba ka lah ban dei na ka bih tit.

Ki pulit ki la leit ban peit ia katei ka jaka ba la iap kitei ki briew bad kham hadien pat la pynkit noh ia ka met jong ki sha NEIGRIMs ban leh post mortem.

Ki pulit ki la register case haba ia dei bad kane.