Khlad noh ka khun marwei jong U Elvis Presley

Ka LISA Marie Presley, kaba dei ka khun marwei jong U Elvis Presley, ka la khlad noh, ha ka rta kaba dang 54 snem bad la iathuh ba ka khlad na ka jingpang kyndeh shadem, ha ka iing sah jongka hi.

Ka Lisa, ka khlad ha ka iing sah jongka, ha Calabasas, California. Ka kmie jong ka Lisa, ka Priscilla Presley, ka la pyntip sha ki kotkhubor, halor katei ka jingjia. Ka Priscilla, ka ong “Da ka mynsiem kaba sngewkhia shi katdei, nga pyntip shaphi, ba ka khun baieid jongnga, ka Lisa Marie, ka la iehnoh jyndat iangi”.