Khlad kyndit U Pastor PBM Basaiawmoit

U Pastor PBM Basaiawmoit, uba dei uwei na ki Pastor ba la shongthait, ula khlad noh mynta ka step. Ula don 71 snem ka rta. U Pastor, u shong u sah ha Mawpat bad u dei u dkhot jong ka Balang Presbyterian Nongsawlia.

Ha ka jing iakren bad U Bah Graham, uba dei u pyrsa kurim jong U Pastor, u iathuh ba ka jingkhlad jong U Pastor, ka dei namar ba u ioh ia ka jingpang klongsnam (heart attack).

Na ka liang U Pastor Kyrsoibor Pyrtuh, uwei na ki para Pastor, uba ju iatreilang bad U Pastor Basaiawmoit, u pynpaw ia ka jing kyndit halor ka jingkhlad U Pastor Basaiawmoit bad u pynpaw, ha ki kyntien jongu, ba ka long ka jingduh kaba khraw, halor ka jingkhlad noh jong utei U Pastor.

U Pastor Basaiawmoit, ula iakhun ruh kum u kyrtong MP, ha ki ar tylli ki elekshon ba ladep, ha u snem 2009 bad ha u snem 2014.