Khlad kyndit u ophisar, ka sorkar jylla

Shillong: Mynta ka janmiet, u heh ophisar ka sorkar jylla u Dr. Manjunathan ula khlad kyndit na ka jingpang kynsan bad katkum ka jingiathuh u doktor, ka lah ban dei na ka heart attack.

Katkum ka jingiathuh u Dr. Lari Marbaniang, la wanrah ia u ha ka por 6:15pm sha Woodland hynrei hadien ba ki doktor ki la pyrshang ban eksamin, la shem ba ym don dak jingim eiei shuh bad la iathuh ba ka met kala khlad shwa ban poi sha hospital.

U Dr. Manjunathan u dei u Secretary ka tnad Animal Husbandry ka sorkar jylla. Katkum ka jingiathuh ki paralok, mynta, mynsngi u dang wan sha ophis hynrei ynda la poi ha ing ula ud pang bad kiba haïing, ki la pynthied dawai, hynrei hadien ba la nang jur la wanrah noh sha hospital.

Ki ophisar naduh u Chief Secretary bad kiwei kila poi sha jaka halor kane ka jingjia.