Shillong: Hadien ba ka jylla ka la duh noh ia u nongmihkhmat na Mawryngkneng Constituency, u Bah David Nongrum ha ka 2 tarik u Rymphang 2021 u ba dei na ka seng Congress, mynta sa shisien ka jylla ka la duh biang pat sa ia uwei u nongmihkhmat ka Rajabala, u Dr Azad Zamana uba la khlad kyndit kynsan ha ka por 2 baje mynne mynstep jong ka 4 tarik u Lber 2021 na ka daw jong ka jingioh heart attack.
U Dr Azad u dei na ka seng Congress bad u dang don kumba 47 snem eiei ka rta bad ha ka elekshon kaba dang shu dep, u la pynrem ia Ashahel D Shira kaba la wan ba ar da kumba shihajar vote bad u dei u nongmihkhmat u ba dang jop ha ka sien kaba nyngkong.
U Lamphang jong ka iingdorbar thawaiñ, u Metbah Lyngdoh u la pynpaw ia ka jingkyndut bad ka jingsngewsih ban iohsngew ia kane ka khubor. Haba kren sha ki lad pathai khubor, u Bah Metbah u la ong ba ka dei kaei kaei kaba khubor kaba pynsngewsih bad kaba la pynkyndit ia baroh ki paidbah ha kaba u Dr Azad u dei u briew u ba bha bad u ba sngewtynnad bha. U Metbah u la phah ruh ia ka khubor sngewsynei sha baroh ki bahaing hasem jong u Dr Azad bad u la ong ruh ba un sa shong pyrkhat kumno ban pyniaid ia ka session ha kine ki sngi ki ban sa wan.
Phi don ban ong eiei?